Foro das masas críticas galegas

[Xico]

A asociación Veciñal Oza -A Gaiteira -Os Castros convoca para este xoves 22 ás oito do serán na Autoridade Portuaria da Coruña unha concentración para exixir unha solución definitiva aos problemas ambientais e para a saúde que orixinan as descargas de carbón e outras substancias no Peirao Centenario.

Exixirase tamén a demisión do Presidente da Autoridade Portuaria da Coruña Macario Fernández Alonso por unha xestión caracterizada pola combinación da desinformación, o desprezo aos veciños e ao medio ambiente e a absoluta submisión aos intereses de Unión Penosa.

O enésimo incidente relacionado coas descargas -a combustión de parte do carbón armacenado no interior da Medusa desde o pasado martes e a conseguinte emisión de substancias tóxicas destes últimos días, que o vento levou ademais a outras zonas da Coruña - e o "aquí non pasa nada" de Autoridade Portuaria e Concello fartaron a nosa paciencia.

CARBÓN SOLUCIÓN! MACARIO DEMISIÓN!

Agradecemos toda a difusión posíbel!

[Faneca Brava]

Certamente teñen que buscar unha solución-alternativa para a Medusa... porque xusto estes días a trás, que non choveu nada, notábase moito a contamiación no ambiente (veciños/as dixit).

Que chova, que chova!!!
_________________

Usa a bici tódolos días, celébrao unha vez ao mes!!